Алабуга нуры

Алабугада сәүдә киоскларын тәртипкә китерәчәкләр

Сүз стационар булмаган сәүдә объектлары яки урам киосклары турында бара.

Алабугада стационар булмаган сәүдә киоскларын урнаштыру һәм бизәү өчен бердәм кагыйдәләр җыелмасы һәм нормалар яңартылган. Перспективалы социаль-икътисади үсеш палатасында хәбәр итүләренчә, бу эшмәкәрләргә үзләренә уңайлы булсын өчен эшләнгән.

— Быел без стационар булмаган объектларны урнаштыру схемасын яңарттык. Хәзерге вакытта алар 32. Әгәр эшмәкәрләр үз эшчәнлекләрен стационар булмаган объектта алып барырга телиләр икән, алар шәһәрнең төп сайтындагы (городелабуга.рф) «Алабуга шәһәренең стационар булмаган сәүдә объектлары схемасы» бүлегенә керә ала, монда барысы да күрсәтелгән. Әгәр эшмәкәрләр үзләре теләгән урынны тапмаса, алар халык күп йөри торган урын турында Перспективалы социаль-икътисадый үсеш палатасы белән элемтәгә кереп, үз теләкләрен белдерә ала. Без бу урынны исемлеккә кертү өчен нәрсә эшләргә кирәклеге турында аңлатачакбыз. Килешелмәгән урыннарда урнашкан стационар булмаган объектлар белән җирле үзидарә органнары эшләячәк, — диде Перспективалы социаль-икътисадый үсеш палатасы рәисе Тимур Никонов һәм киоскларны урнаштыру архитектура бүлеге белән һичшиксез килешенергә тиеш, дип өстәде.

Стационар булмаган сәүдә объектлары — ул теләсә кайсы шәһәрнең проблемасы. Алар төрле урыннарда, төрле урамнарда урнашкан. Чыннан да, шәһәрдә бөтенләй дә шәһәр архитектурасына туры килми торган киосклар бар. Район башкарма комитеты җитәкчесенең архитектура һәм шәһәр төзелеше буенча урынбасары Илнара Гыйләҗева аңлатканча, эшләнгән схема нигезендә һәр сәүдә объектының тышкы кыяфәте, аның урнашу урынына карап, архитектура бүлеге белән индивидуаль рәвештә килештереләчәк. Моннан тыш, гамәлдәге 32 киоскның уналтысы арендага бирелгән инде, калганнары өчен эшмәкәрләр архитектура бүлеге белән килештерергә тиеш.

— Шәһәрнең тарихи өлешендә тиешле бизәлеш булачак, яңа өлештә — заманчарак. Бу инде гамәлдәге киоскларга да, ачылырга җыенганнарына да кагыла, — дип өстәде Илнара Гыйләҗева.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: