Алабугада ятим балалар өчен йорт куллануга тапшырыла

Алабугада 105 фатирлы яңа йорт яраклылык турында сертификат алды. Бу хакта ТР дәүләт төзелеше күзәтчелеге инспекциясенең матбугат хезмәте хәбәр итә. 
Күп катлы йорт республиканың социаль ипотека программасы һәм «Торак һәм шәһәр мохиты» илкүләм проекты буенча төзелде. Ул Алабуганың Танайка микрорайонында урнашкан.
Йорт куллануга тапшырылу белән 105 гаилә фатирлы булачак. 26 квартира ятим балалар өчен билгеләнгән. Йорт янәшәсендәге террритория төзекләндерелгән, балалар мәйданчыгы бар.