«Алабугада җәйге кичләр»нең кайчан узачагы билгеле

Борис Березовскийның «Алабугада җәйге кичләр» Халыкара музыка фестивале быел 14-17 июльдә узачак.

Алабуга дәүләт музей ядкарьлеге генераль директоры Гөлзада Руденко билгеләп үткәнчә, аңа әзерлек эшләре башланды инде.

Быел фестиваль безнең шәһәрдә дүртенче тапкыр узачак. «Алабугада җәйге кичләр» башка музыкаль проектлардан, open-air форматында, ягъни ачык һава астында үткәрелүе белән аерыла.