Алабугадан хәрби операция зонасына 6 тонна гуманитар ярдәм китерделәр

Шулай ук солдатларга туганнарыннан исемле посылкалар тапшырылды.

Алабугадан хәрби операция зонасындагы хәрбиләргә 6 тонна гуманитар ярдәм җибәрелде. Җылы кием һәм азык-төлек белән бергә солдатларыбызга туганнарыннан исемле посылкалар тапшырылды, дип хәбәр итә Алабуга районы башлыгының матбугат хезмәте. 

Хәрбиләргә «буржуйка» мичләре, җылы кием-салым, аяк киемнәре, перчаткалар, балаклавалар, шулай ук рация, изолон һәм юу-чистарту чаралары китерелгән.

Гуманитар ярдәм җыюда алабугалылар, шәһәр предприятиеләре һәм оешмалары хезмәткәрләре катнашты.