Алабугага балалар өчен коронавируска каршы вакцина кайтты

Балалар поликлиникасы мөдире Гөлназ Мөхәммәтова сөйләвенчә, прививка 12 яшьтән алып 17 яшькә кадәр балаларга күрсәтелгән. Аны балалар поликлиникасының прививка кабинетында ясаячаклар. Прививка алдыннан һәр баланы педиатр тикшерергә тиеш булачак. 

Хроник авыруларның кискенләшүе, йогышлы авырулар, югары температура, косу, диарея һәм элекке прививкаларга аллергик реакция — бу билгеләр булган очракта вакцинация тыела.