Алабуга нуры

Рөстәм Нуриев: «Яшьләрнең ил тарихы белән күбрәк кызыксына башлавы, аның бөек үткәненә ихтирамы сөендерә»

Алабуга районы башлыгы музей хезмәткәрләрен һөнәри бәйрәмнәре белән котлады.

Бүген дөньядагы мирасханә җәмәгатьчелеге Халыкара музейлар көнен билгеләп үтә. 

Музейларны илебезнең хәзинәсен, изге истәлекләрне, үзенчәлекле экспонатларны саклау урыны дип атарга була, алар ил елъязмасын кадерләп саклый, халыкларның бай рухи-мәдәни мирасы хакында сөйли. 
Кешелекнең мәдәни мирасы һәм иҗтимагый хәтерен саклаучылар буларак, мирасханәләр милли үзаң булдыруда мөһим роль уйный, кешеләрнең тулы бер буыннарын, аларның рухын, казанышларын, ватанпәрвәрлеген берләштерә.

Безнең көннәрдә музейлар бөтен дөньядан туристларны тартып тору урыны гына түгел, алар музейга килүче төрле буын вәкилләре өчен агарту-мәгърифәт үзәкләренә әверелде. Яшьләрнең ил тарихы белән күбрәк кызыксына башлавы, аның бөек үткәненә ихтирамы сөендерә.

Кадерле дуслар, Сезнең хезмәтегез һәм тугрылыгыз бәрабәренә меңләгән кеше мәдәният һәм сәнгатьнең, халык иҗатының уникаль үрнәкләрен күрә ала. Безнең якның тарихи сурәтенең тулылыгы һәм тирәнлеге нәкъ менә сезгә, музей хезмәткәрләренә бәйле. Бу замандашлар гына түгел, киләчәк буыннар каршында да зур мәртәбә һәм җаваплылык.

Сезгә актив һәм нәтиҗәле эшчәнлек, музей тупланмаларын арттыруны, яңа һәм кызыклы күргәзмәләр һәм күренешләр телим!

Сезгә һәм гаиләләрегезгә сәламәтлек һәм тынычлык! 

Хөрмәт белән Рөстәм НУРИЕВ, Алабуга муниципаль районы башлыгы

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: