Татарстанда узган ялларда 70 кеше коронавирус йоктырган 

Татарстанда соңгы тәүлектә коронавирус йоктыруның 70 яңа очрагы ачыкланган. Яңа вирус йоктырган 29 кеше хастаханәгә озатылган, 41 кеше өйдә дәвалана.

Авыручыларның төп яшь төркемнәре түбәндәгечә: 18 яшькә кадәр — 1, 18дән 30 яшькә кадәр — 4, 30дан 50 яшькә кадәр — 13, 50дән 60 яшькә кадәр — 14, 60тан 70 яшькә кадәр — 21, 70тән 80 яшькә кадәр — 12, 80нән 90 яшькә кадәр — 5 очрак ачыкланган.

Казанда — 27, Чаллыда — 13, Азнакай һәм Бөгелмәдә — 4шәр, Яшел Үзән һәм Нурлатта — 3шәр, Түбән Кама һәм Тәтеш районнарында — 2шәр, Аксубай, Алексеевск, Әлмәт, Әтнә, Баулы, Буа, Югары Ослан, Алабуга, Кукмара, Лениногорск, Тукай һәм Ютазы районнарында берешәр кеше йоктырган.

15 февральгә алынган мәгълүматлар буенча, Татарстанда барлыгы COVID-19 белән авыруның 17 237 очрагы теркәлгән.

Пандемия башланганнан бирле коронавирус инфекциясе йоктырган 13 704 кеше савыккан, узган тәүлектә — 9 кеше.

Спутник-V вакцинасы белән 43 694 кешегә прививка ясалган. Шулардан 8 839 кеше вакцинаның икенче дозасын алган. 

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номер
4.    МФЦга мөрәҗәгать итеп
5.    Хастаханәгә телефон буенча шалтыратып.