Татарстанның 755 авылында интернет һәм кәрәзле элемтә барлыкка киләчәк

Россиянең цифрлы үсеш министрлыгы интернет һәм кәрәзле элемтә кертеләчәк авыллар исемлеген раслады. Бу исемлеккә Татарстанның 755 авылы кергән. 
Интернет һәм кәрәзле элемтә булдыру «О связи» федераль закон кысаларында башкарыла. Закон буенча, халкы 100дән 500гә кадәр булган торак пунктлар Wi-Fi га тоташу нокталары белән тәэмин ителергә тиеш. 
Моннан тыш, Татарстанның сигез торак пунктында сыйфатлы кәрәзле элемтә барлыкка киләчәк. 
Алабуга районында интернет 12 авылда кертелә. Бу — Илмәт, Олы Качка, Зур Елово, Олы Шүрнәк, Гари, Лекарево, Малореченский поселогы, Иске Куклюк, Татар Дөм-Дөме, Хлыстово һәм Яковлево.