Алабугалыларны «Туган тел» сәнгатьле сөйләм онлайн-конкурсында катнашырга чакыралар

Алабугада 4 апрельдә «Туган тел» онлайн-конкурс старт ала. Сәнгатьле сөйләм бәйгесе ел саен үткәрелә. Иҗади видеороликлар 4 апрельдән 18 апрельгә кадәр kdm34723@mail электрон адресына кабул ителә.

19-21 апрельдә «Барс» яшьләр үзәгенең ВКонтакте социаль челтәрендәге төркемендә онлайн тавыш бирү узачак. 22 апрельдә 16.00 сәгатьтә шунда ук җиңүчеләрне бүләкләү тантанасы була.

Онлайн-тавыш бирүдә иң күп тавыш һәм комментарий җыйган өч конкурсант конкурста җиңүче дип санала. Конкурс җиңүчеләре даими спонсорлар һәм партнерлардан дипломнар һәм бүләкләр алачак, калган катнашучыларга катнашучы дипломнары биреләчәк.