«Бакча могҗизасы» фотоконкурсында җиңүчеләрнең исемнәре билгеле булды

«Алабуга нуры» һәм «Новая Кама» газеталары редакциясе «Бакча могҗизасы» («Вот это овощ») фотоконкурсына йомгак ясады. Катнашучылар үзләренең бакча җимешләренең оригиналь фотоларын җибәрделәр. 

Шулай итеп, «Алабуга нуры» редакциясендә Морт мәктәбе җиңүче дип игълан ителде. Алар конкурска мәктәп участогында үстерелгән гадәти булмаган кишернең фотосын тәкъдим иттеләр.

«Новая Кама» конкурсында Алабуга балалар йортында тәрбияләнүче Марат Сәмигуловның фотосы җиңүче булды. Конкурска ул оригиналь һәм күңелле яшелчәләрнең фотоларын җибәрде. 

Җиңүчеләрне котлыйбыз һәм аларны безнең редакциягә дипломнар һәм призларын килеп алырга чакырабыз.