2024 елга мөселман бәйрәмнәре календаре расланды

ТР мөселманнары Диния нәзарәтенең Голәмәләр шурасы Һиҗри буенча 1445–1446 елларга яки Милади буенча 2024 елга мөселман бәйрәмнәре һәм истәлекле көннәр календарен раслады. 

Һиҗри календарь 12 айдан тора һәм Мөхәррам аеннан башлана. Мөселман календаре айларының башын һәм ахырын билгеләгәндә ТР мөселманнары Диния нәзарәтенең Голәмәләр шурасы җирле географик үзенчәлекләргә һәм астрономик мәгълүматларга таяна. 

2024 елда изге Рамазан ае 11нче мартта башланачак. 2024 елның 10нчы апреле — Ураза бәйрәме. Тагын бер бөек мөселман бәйрәме булган Корбан гаете 16нчы июньдә билгеләп үтеләчәк.

dumrt. ru сайтыннан алынды