Алабуга нуры

Алабуга Туапсе белән Париждан кадерлерәк

Стахеевлар оныгы булачак кияве белән никахларын әби-бабалары җирендә рәсмиләштерү өчен, йөзләрчә километр араларны узып Туапседан Алабугага килгән.

Кичә университетта Стахеев укулары башланды. Алдагы көнне исә, Алабуга ЗАГС хезмәткәрләре үз чорында шәһәр башлыгы, меценат булган Иван Иванович Стахеевның оныгы Евгения Третьякова белән Дмитрий Ткаченколарның гаиләсен рәсми теркәде.

Берничә ел элек Евгениянең әнисе Елена Сергеевна юбилее уңаеннан сәяхәткә чыгарга ниятли. Париж яки Алабуганы күрү аның зур хыялы була һәм гаилә Алабуганы сайлый. Евгения күңелендә тезелеп киткән сәүдәгәр йортларыннан торган уңайлы урамнар, әнисенең әбисе белем алган университетның зур бинасы, гомумән "тарих исе аңкып торган" шәһәр мәхәббәт уята. Быел Евгениянең Алабугага бишенче тапкыр килүе.

-Без Алабуганы бик яратабыз. Әби-бабаларыбыз җире булганга гына түгел, шәһәр үзе күңелебезгә якын. Шәһәр безне гаҗәпләндерә дә, шул ук вакытта сокландыра да. Алабугалыларның тарихны ничек кадерләп саклавын күреп күңелебез сөенә. Гаиләм исеменнән моның өчен алабугалыларга чиксез рәхмәтемне җиткерәсем килә,- ди Евгения.

-Алар Алабуганы кайчандыр үзләренеке булган әйбер итеп түгел, ә изге җир итеп кабул итә. Стахеевларның бу сыйфаты миндә һәрчак соклану уятты,-ди аларның гаилә тарихын өйрәнүче доцент, тарих фәннәре кандидаты, туйда шаһит булган Инга Маслова.

Стахеев укуларында Евгения Третьякова (Стахеева) чыгыш кына ясаучы түгел, секция эше җитәкчесе дә.

Яшь гаиләне Алабугада теркәү уе, кияүнең башына килгән. Туйны дуслары белән бәйрәм итә алмасалар да, якыннары алар теләген хуплап кабул иткән. Дмитрий үзе: "Декабрист хатыннары ирләре артыннан Себергә киткән кебек, мин дә хатыным артыннанАлабугага килдем",- дип шаярта.

-Көзге матур Алабугада теркәлгән гаиләбезнең озын гомерле һәм нык буласына без чын күңелдән ышанабыз,- ди Евгения.

Стахеев укулары тәмамлангач, яшьләр Казанга җыена һәм шуннан Туапсега китәчәк.

Дмитрийдан һөнәре турында сорагач, ул әле күптән түгел генә сөйгәне белән еш аерылып торырга туры килгәнгә, дәрәҗәле эшен ташлавын әйтте. Хәзер алар Евгения белән бергә үз гаилә эшен ачарга ниятли. Стахеевлар эшен оныклары дәвам итә, Алабуга белән элемтәләре өзелми, димәк нәсел әле яши.

Н.Касыймова

Нравится
Поделиться:
Реклама
Комментарии (0)
  • 23 май 2018 - 16:57
    Алыштырып та, кайтарып та була Кибеттән алынган әйберне уйлаганча тиз генә алыштырып бирмиләр.
    51
    0
    0
  • 22 май 2018 - 15:18
    Росреестр күршеләр белән дуслашырга ярдәм итә Бакчада барлыкка килгән проблеманы хәл итер юллары турында Татарстан Росреестр хезмәткәре Аделя Хазеева сөйләячәк.
    38
    0
    0
  • 22 май 2018 - 15:12
    ЯЗЫЛЫРГА АШЫК! 2018 елның II яртыеллыгына “Алабуга нуры” һәм “Новая Кама” газеталарына язылу башланды.
    37
    0
    0
  • 22 май 2018 - 15:00
    Киңәшле эш таркалмас Алабугада беренче тапкыр шәһәр күләмендә ата-аналар җыелышы булды. Анда ике йөздән артык кеше катнашты. Алар арасында җәмәгать оешмалары, мәктәп һәм балалар бакчаларының ата-аналар комитеты вәкилләре бар иде.
    44
    0
    0
  • 22 май 2018 - 14:58
    18 майда Халыкара Музейлар көне үтте. Музей-тыюлык хезмәткәрләре Ленин мәйданында Музейлар көненә багышланган бәйрәм үткәрде.
    36
    0
    0
  • 22 май 2018 - 11:39
    Бүләкләделәр Бүген шәһәр киңәшмәсен Геннадий Емеләянов бүләкләүдән башлады
    46
    0
    0
  • 19 май 2018 - 12:31
    Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
    51
    0
    0
  • 17 май 2018 - 17:27
    БАЛАЛАРГА ТАМАША 18 майда Алабуга дәүләт музей-ядкарьлегендә “Музейлар көне – безнең бәйрәм” дип аталган сәхнәләштерелгән тамаша булачак.
    55
    0
    0
  • 23 октябрь 2017 - 14:24
    Защити себя!
Ночной режим