Алабуга районында Кабак Спасын билгеләп үтәчәкләр

28 октябрьдә Олы Качка авыл мәдәният йорты территориясендә Кабак Спасы узачак. 10.00 сәгатьтә башлана. Оештыручылар кызыклы һәм бай программа вәгъдә итә. 

Бәйрәмдә декоратив-кулланма иҗат осталары күргәзмәсе, интерактив мәйданчыклар, сәүдә рәтләре тәкъдим ителә. Кунаклар алдында концерт белән иҗат коллективлары чыгыш ясаячак. Шулай ук программада халык уеннары, күңел ачулар, тематик конкурслар булуы көтелә. 

Кабак Спасы — славяннарның уңыш бәйрәме.