Алабугада 19 августта алты участокта транспорт хәрәкәте чикләнәчәк

19 августта 00:00 сәгатьтән 24:00 сәгатькә кадәр «Эссен Продакшн АГ» ның 25 еллыгын оештыру һәм үткәрү белән бәйле рәвештә юл хәрәкәте иминлеген тәэмин итү максатыннан шәһәрдә транспорт хәрәкәте чикләнәчәк.

Хәрәкәт чикләнәчәк:

— Пролетар урамының Т. Гыйззәт урамы белән киселешкән урында (30нчы йорт янында);

— Т. Гыйззәт урамы (25Б йорт янында);

— Чапаев урамы (72нче йорт янында);

— Чапаев урамы (55нче йорт янында);

— Чапаев урамы (61нче йорт янында);

— Т. Гыйззәт урамы Әйләнеч Шоссе урамы белән киселешкән урында.

Алабугалыларга әлеге урамнардан үз машиналарын алып куярга кушалар. Эвакуатор эшләячәк.

Шулай ук 19 августта бәйрәм кунакларына уңайлы булсын өчен җәмәгать транспорты йөриячәк. Барлыгы 8 автобус йөриячәк: «Лада центр» дан Тынычлык проспекты буенча 4 автобус һәм тагын 4 автобус Әйләнеч шоссе урамы буенча. 

Автобусларда бәйрәм урынына 16:00 сәгатьтән 23:30 сәгатькә кадәр барып җитәргә мөмкин булачак.