Алабугада язгы авыл хуҗалыгы ярминкәләре 23 мартта эшли башлаячак

Алабуга шәһәрендә традицион язгы авыл хуҗалыгы ярминкәләре 23 мартта эшли башлый. Ярминкә 4 нче микрорайонда урнашкан «Мираж» сәүдә үзәге территориясендә үткәрелә. Эш вакыты 9.00 сәгатьтән 15.00 сәгатькә кадәр. 

Район фермерлары һәм агросәнәгать комплексы предприятиеләре алабугалыларга үз продукциясен арзан бәядән тәкъдим итәчәк. Ярминкәдә ит, җиләк-җимеш, яшелчә, сөт продукциясе, тәм-томнар, бал, кул эшләнмәләре һәм җиләкләр сатылачак. Алабугада язгы ярминкәләр 27 апрельгә кадәр эшли.