Коронавирус белән авырган кешеләр нәрсәдән интегә?

«Ковидтан соң борчулы-депрессив тайпылышларның берсе — йокысызлык. Һәм моның җитди зыян китерүе мөмкин», — ди психиатр Георгий Костюк. Бу хакта РИА Новости яза.

Белгеч сүзләренчә, ковид белән авырганнан соң берничә ай узгач психологик проблемалар, шул исәптән йокысызлык да барлыкка килергә мөмкин. 

«Коронавирус белән авырган кайбер пациентлар берникадәр вакыт, кайвакыт берничә ай узгач үзендә артык борчылу, стресс, депрессив тайпылыш, йокы бозылу, эшкә сәләтлелек кимү, хәтер начараюны сизә башлый», — дип сөйләде табиб.

Мондый тайпылышлар хастаханәдә дәваланып чыккан пациентлар өчен аеруча характерлы, ди психиатр. Әмма җиңел кичерелгән авырудан соң да психикага йогынты булу очраклары сирәк түгел, дип ачыклык кертте ул.

Фото: pixabay.com