Синоптик Үзәк Россиядә көтеләчәк аномаль эсселек турында кисәтте

Синоптик Үзәк Россиядә булачак эсселек һәм яшеннәр турында кисәтте. Бу хакта РИА Новости агентлыгына Мәскәү метеобюросының баш белгече Татьяна Позднякова сөйләде.

Синоптик сүзләренчә, сишәмбе, 5 июльдә, көндез кыска вакытлы яңгыр һәм яшен булырга мөмкин. Төнлә һәм көндез югары температура сакланачак, көндез термометр баганалары 29-31 градуска кадәр күрсәтәчәк. Көньяк-көнбатыш җилнең тизлеге секундына 12-17 метрга җитәргә мөмкин.

Чәршәмбе көнне, 6 июльдә, Үзәк Россиягә салкын атмосфера фронты якынлаша. Көндез кыска вакытлы яңгыр булырга мөмкин, һава температурасы 27, 29 градус тәшкил итәчәк.

Пәнҗешәмбе көнне, 7 июльдә, салкын атмосфера фронты киләчәк, болытлы һава торышы сакланачак, яңгырлар көчәячәк, җил төньяк-көнбатышка алмашыначак. Көндез һава температурасы 25, 27 градус тәшкил итәчәк.

Җомга көнне, 8 июльдә, температураның 24, 26 градуска кадәр түбәнәюе көтелә.

Чыганак