Виртуаль концерт, ярминкә һәм спорт ярышлары: Алабугада инвалидлар декадасы программасы

1 декабрьдән 10 декабрьгә кадәр инвалидлар декадасы игълан ителде. Алабуга районында бу көннәрдә берничә чара узачак.

4 декабрьдә өлкәннәр һәм инвалидлар өчен интернат-йортта Ветераннар советы белән шахмат-шашка турниры, шулай ук «Ышаныч» үзәгендә «Кайгырту һәм реабилитация мәктәбе» мәсьәләләре буенча түгәрәк өстәл узачак.

5 декабрьдә картлар һәм инвалидлар өчен интернат-йортта бәйрәм чарасы узачак. Ә Үзәк балалар китапханәсендә ком белән рәсем ясау буенча «Кышкы фантазияләр» дип аталган чара узачак.

6 декабрьдә «Укупрпласт»ның актлар залында түгәрәк өстәл артында шәһәр хезмәтләре белән очрашу планлаштырылган.

7 декабрьдә А. С. Пушкин исемендәге Үзәк китапханәдә «Музыкальный мир Георгия Данелии» дип аталган виртуаль концерт залы узачак.

8 декабрьдә алабугалыларны шәһәр мәдәният сараенда декоратив-кулланма сәнгать әйберләрен сату ярминкәсенә чакыралар. Ярминкә Халыкара инвалидлар көненә багышланган шәһәр концерты кысаларында уза. Шулай ук «Ышаныч» үзәгендә менталь тайпылышлары булган гражданнар дәвалана торган көндезге бүлектә ачык ишекләр көне планлаштырыла.

10 декабрьдә җиңел атлетика манежында инвалид спортчылар, шул исәптән ишетү буенча инвалидлар һәм күрү буенча инвалидлар арасында спартакиада (шашка, шахмат, армрестлинг, штанга, җиңел атлетика, гер, домино) һәм шәһәр мәдәният сараенда «Солнечный круг» хәйрия концерты узачак.