Алабугада Уфа рәссамы күргәзмәсе ачыла

10 февральдә Алабуга дәүләт музей-ядкарьлегенең Заманча этно сәнгате музеенда Шәйхзадә Бабич исемендәге Дәүләт республика яшьләр премиясе лауреаты, Россия Федерациясе рәссамнар Берлеге һәм халыкара сынлы сәнгать ассоциациясе әгъзасы Вера Фролова (Уфа) күргәзмәсе ачылачак.

Экспозициядә 86 рәсем тәкъдим ителгән, алар арасында портретлар, пейзаж, натюрморт һәм сюжет композицияләре бар.

Алабугада күргәзмә тематик һәм анда күрсәтелә торган әсәрләр календарь, халык, гаилә, дини һәм Дөньяви бәйрәмнәр белән тыгыз бәйләнгән.