Алабуга футболчылары ТР Кубогының зона этабында җиңде

14-15 мартта Алабугада 2005-2006 елларда туган яшүсмерләр арасында мини-футбол буенча Татарстан Республикасы Кубогының зона этабы уеннары узды.

Ярышларда Лениногорск, Минзәлә, Әгерҗе шәһәрләреннән 5 команда һәм Алабугадан ике команда катнашты. 

Тренер Нургаян Әхмәтов җитәкчелегендәге «Олимп» спорт мәктәбе командасы, 4 уенда да җиңеп, ышанычлы рәвештә 1 урынны яулады. Ул апрель аенда Болгарда узачак финал өлешенә юллама алды.