«Алабуга» командасы Казанның «Динамо»сы белән уйнаячак

«Алабуга» командасы футбол кырында Казанның «Динамо» сы белән очрашачак. ТР Чемпионаты кысаларында уен шушы чәршәмбе көнне, 14 июньдә, 17.00 сәгатьтә узачак. 

Уен Таҗи Гыйззәт урамындагы Үзәк стадионда узачак. Алабугалыларны мавыктыргыч уен карарга һәм яраткан командалары өчен җан атарга чакыралар. Керү бушлай. 

Исегезгә төшерәбез, узган шимбәдә «Алабуга» командасы «Әлмәт» командасы белән уйнады. Уен тигез исәп белән тәмамланды.