Алабуга районы кышкы ГТО фестиваленең II этабы җиңүчесе булды

26 февральдә җиңел атлетика манежында барлык категория халык арасында «Хезмәткә һәм оборонага әзер» (ГТО) Бөтенроссия физкультура-спорт комплексы кышкы фестиваленең II этабы узды. 

Ярышларда Алабуга, Менделеевск, Әгерҗе һәм Мамадыш районнары катнашты. Катнашучылар көч гимнастикасы, озынлыкка сикерү, иелү, пресс, чаңгыда йөгерү буенча көч сынашты. 

Ярыш нәтиҗәләре буенча:
1 урын — Алабуга районы командасы;
2 урын — Менделеевск районы командасы;
3 урын — Мамадыш районы командасы;

Актив катнашкан өчен Диплом белән Әгерҗе районы командасы бүләкләнде.

Үзләренең яшь баскычларында иң күп балл җыйган катнашучылар өстәмә грамоталар алды.