Алабуга спортчылары волейбол буенча Татарстан Беренчелегендә катнашты

10-12 март көннәрендә Минзәләнең «Юбилейный» спорт залында 2006-2007 елларда туган яшүсмерләр арасында волейбол буенча Татарстан Республикасы Беренчелеге булып узды.

Ярышларда 15 команда катнашты, алар башта ике төркемгә бүленде. Спортчылар әйләнеч системасы буенча уйнадылар.

Алабуга данын тренер Юлия Горностаева җитәкчелегендә «Олимп» спорт мәктәбе спортчылары яклады.

Ярыш нәтиҗәләре буенча безнең спортчылар 5-8 урыннарны яулады.