Алабуга спортчылары авыр атлетика буенча ТР беренчелегендә медальләр яулады

Алабуга спортчылары ТР Беренчелегендә үзләрен күрсәтте. Әлмәт шәһәрендә егетләр һәм кызлар арасында авыр атлетика буенча Татарстан Республикасы Беренчелеге узды.

Ярышларда 100гә якын спортчы катнашты. 

Алабугадан «Юность» спорт мәктәбендә тәрбияләнүче җиде бала катнашты. Алар өч беренче, бер икенче, ике өченче һәм бер алтынчы урынны яуладылар. 

Балалар тренер-укытучы Илсур Атнагулов җитәкчелегендә шөгыльләнә.