Алабугада билбау көрәше буенча Россия Кубогына 280 спортчы киләчәк

15-18 март көннәрендә Алабугада ир-атлар һәм хатын-кызлар арасында билбау көрәше буенча Россия Кубогы узачак. 

Ярышлар Җиңел атлетика манежында узачак. Россия Федерациясенең 30 төбәгеннән 280 спортчы катнашачак, мәсәлән, Мәскәү, Севастополь, Тамбов, Волгоград, Томск, Түбән Новгород, Санкт-Петербург, Татарстан Республикасы, Башкортостан, Карачаево-Черкесия, Дагестан, Краснодар крае, Мәскәү өлкәсе.

Ачу тантанасы 16 мартта 11:00 сәгатьтә Җиңел атлетика манежында була.