Алабугада Фаил Гыйззәтуллин истәлегенә көрәш буенча турнир үтте

26 март көнне җиңел атлетика манежында спорт мәктәбе тренеры Фаил Гыйззәтуллин истәлегенә көрәш буенча XIV ачык турнир узды.

Ачылу тантанасында РФ көрәш федерациясенең башкарма директоры — Р.Б. Мөбарәкҗанов, ТР Көрәш федерациясенең башкарма директоры — М.Ш.Таһиров, АМР башкарма комитеты җитәкчесе — Л.Ф.Нургаянов, Фаил Гыйззәтуллинның тормыш иптәше Р.А.Гыйззәтуллина катнашты.

Быел җиңүче исеме өчен Татарстанның 7 шәһәре һәм районыннан килгән 120дән артык спортчы көрәште.

Ярыш нәтиҗәләре буенча безнең көрәшчеләр 7 алтын, 11 көмеш һәм 9 бронза медаль яулады.

Барлык спортчылар да грамоталар, медальләр һәм кыйммәтле бүләкләр белән бүләкләнде.