Алабугалы пауэрлифтинг буенча Бөтенроссия турнирында җиңү яулады

Мәскәүдә пауэрлифтинг буенча «Мәскәү утлары» Бөтенроссия турниры узды. Ярышлар ир-атлар һәм хатын-кызлар арасында үткәрелде, анда Россиянең 29 регионыннан 200 дән артык спортчы катнашты.

Алабуга данын «Яшьлек» спорт мәктәбе спортчысы Будрин Андрей яклады. Киеренке көрәш барышында Будрин Андрей, ир-атлар арасында өч төрле классик ярышта чыгыш ясап, 59 кг. га кадәр авырлык категориясендә 1 урын яулады. 

Шулай ук ул Россиянең спорт мастеры нормативын үтәде һәм юниорлар арасында 4 ТР рекорды куйды.

Ярыш призерлары грамота, медаль һәм кубоклар белән бүләкләнде.