Алабугалылар «Эссен Продакшн АГ»ның 25 еллыгы уңаеннан ГТО нормативларын үтәде

19 августта Алабуга шәһәрендә «Эссен Продакшн АГ» сәүдә маркасының 25 еллыгына багышланган зур бәйрәм узды. Бәйрәм һәм спорт чаралары шәһәр паркларында узды. 

«Гуляй» паркы территориясендә спорт ярышлары һәм мастер-класслар оештырылган иде, шулай ук теләгән һәркем «Хезмәткә һәм оборонага әзер» Бөтенроссия физкультура-сәламәтләндерү комплексы нормативларын үти алды. Барлык катнашучылар да «Эссен Продакшн» компаниясе тарафыннан бирелгән татлы призлар һәм юбилей медальләре алды.