Алабуга нуры

Алабугалылар пауэрлифтинг буенча ярышларда чемпион исемен яулады

25-26 сентябрьдә Казанда пауэрлифтинг буенча ТР Чемпионаты узды.

Ярышларның беренче көнендә Алабуга данын «Юность» спорт мәктәбе спортчылары һәм КФУның Алабуга институты студентлары яклады.

Ярыш нәтиҗәләре буенча:

1 урынны Белова Екатерина яулады (52 кг. га кадәр авырлык категориясендәге кызлар арасында),

1 урын — Гыйззәтуллин Марат 74 кг. га кадәр авырлык категориясендә үз үлчәү категориясендә Татарстан Республикасы чемпионы булды һәм КМС нормативын (спорт мастерлыгына кандидат) раслады;

3 урын — Будрин Андрей егетләр арасында 66 кг. га кадәр авырлык категориясендә;

5 урын — Пристов Константин шулай ук ир-атлар арасында 66 кг. га кадәр авырлык категориясендә.

Спортчылар Олег Разживин һәм Юрий Власов җитәкчелегендә шөгыльләнә.

Икенче көнне Алабуганы янә "Юность«спорт мәктәбе спортчылары тәкъдим итте. Киеренке көрәш нәтиҗәсендә «Юность» мәктәбе командасы икенче гомумкоманда урынын яулады.

Шәхси зачетта Игорь Багров 105 кг. га кадәр авырлык категориясендә чемпион булды һәм КМС нормативын үтәде. Донауров Евгений һәм Красильников Владимир КМС нормативын үтәде, Буханов Александр КМС нормативын раслады.

Спортчылар тренер Юрий Власов җитәкчелегендә шөгыльләнә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: