Алабуганың йөзү буенча спортчылары республика ярышларында җиңү яулады

7 апрельдән 8 апрельгә кадәр Минзәләдә йөзү буенча республика ярышлары үтте.

Ярышларда 23 районнан 230 спортчы катнашты. Ике көн программасында 16 комплект медаль уйнатылды.

Алабуга данын «Олимп» спорт мәктәбенең 11 спортчысы яклады. Тренерлар: Турцева Евгения һәм Галимов Марат.

Гайфуллина Екатерина — бу ярышларның абсолют җиңүчесе. Ул программаның алты төрендә чыгыш ясап 6 беренче урын алды. 

Моннан тыш, Шакиров Инсаф, Волкова Яна, Капин Никита, Саликаева Кира, Самсонова Камилла, Тарасова Ева югары күрсәткечләргә иреште.