Алабуганың «Университет» мәктәбе укучысы бокс буенча Татарстан җыелма командасына чакыру алган

Түбән Камада 2008-2009 елгы егетләр арасында бокс буенча ТР Беренчелеге узды. Бу хакта КФУның Алабуга институты матбугат хезмәте хәбәр итә. 

Алабуга институты «Университет» мәктәбенең 9 нчы сыйныф укучысы Амрам Мамедов (63 кг) 2 нче урынны алды һәм бокс буенча Татарстан Республикасы җыелма командасына эләкте. 19 февральдән егет Идел буе федераль округы Беренчелегенә әзерләнү өчен уку-күнекмә җыеннарына барачак.