КФУның Алабуга институты студентлары пауэрлифтинг буенча турнир җиңүчеләре булдылар

Яр Чаллыда пауэрлифтинг буенча муниципальара турнир узды. Ярышлар турында Алабуга институтының матбугат хезмәте хәбәр итте.

КФУның Алабуга институты спортчылары физик культура теориясе һәм методикасы һәм тормыш иминлеге кафедрасы доценты Олег Разживин җитәкчелегендә турнирда уңышлы чыгыш ясап, җиңүчеләр өчлегенә керделәр.

76 кг кадәрге хатын-кызлар арасында 3нче урынны Анастасия Николаева алды. 66 килограммга кадәрге ир-атлар арасында 1 урынны Илшат Махмуров, 2 урынны Раниф Рәхмәтуллин алды.