Алабуга нуры

Су­да­гы ба­лык ке­бек

Ала­бу­га­лы Иван Пет­ров ике дис­тан­ци­я­гә йө­зү бу­ен­ча рес­пуб­ли­ка ярыш­ла­рын­да өчен­че урын яу­ла­ды.

- Йө­зү бе­лән мин бе­рен­че класс­тан шө­гыль­лә­нәм, ә хә­зер ту­гы­зын­чы сый­ныф­та укыйм, - дип сөй­ли яшь спорт­чы. - Баш­та мин фут­бол сек­ци­я­се­нә язы­лыр­га те­лә­гән идем, ба­рып чык­ма­ды. Хә­зер ин­де кыз­ган­мыйм: ми­ңа мон­да бик ошый. Ярыш­лар­да җи­ңәр­гә ты­ры­шам, нә­ти­җә өчен эш­лим.

Иван­ның тре­ни­ров­ка­ла­ры "О­лимп" спорт мәк­тә­бен­дә эш­ләү­че Ев­ге­ния Тур­це­ва җи­тәк­че­ле­ген­дә уза. Хә­зер сек­ци­я­дә өч тре­нер эш­ли. Би­ре­дә 6 яшь­тән 16 яшь­кә­чә 177 ба­ла шө­гыль­лә­нә. Спорт мәк­тә­бен­дә тәр­би­я­лә­нү­че­ләр төр­ле дә­рә­җә­дә­ге ярыш­лар­да чы­гыш ясый. Иң юга­ры ире­шү­ләр: 2008 ел­да Ли­за­ве­та Дол­го­ва (100 метр­га брасс бе­лән йө­зү) Та­тарс­тан ку­бо­гын­да бе­рен­че урын ала, икен­че­дә - Ксе­ния Те­ре­щен­ко (200 метр­га бат­терф­ляй бе­лән йө­зү), 2009 ел­да Рес­пуб­ли­ка уку­чы­ла­ры­ның җи­ден­че спар­та­ки­а­да­сын­да кыз­лар ко­ман­да­сы бе­рен­че урын­ны яу­лый, икен­че урын­да - егет­ләр.

Спорт мәк­тә­бен тә­мам­лау­чы­лар ара­сын­да 26 про­фес­си­о­наль йө­зү­че бар, өче­се хә­зер про­филь­ле юга­ры уку йор­тын­да бе­лем ала, шу­лар­ның бер­се - КФУ­ның Ала­бу­га фи­ли­а­лы спорт фа­куль­те­тын­да укый һәм шул ук ва­кыт­та "О­лимп" спорт мәк­тә­бен­дә йө­зү сек­ци­я­сен­дә тре­нер бу­лып эш­ли.

"Без ба­ла­лар­га те­о­ре­тик, фи­зик һәм мах­сус әзер­лек би­рә­без, - ди Ев­ге­ния Тур­це­ва. - Һәр төр­кем өчен - үз мак­са­ты һәм бу­рыч­ла­ры бар. Иң кеч­ке­нә­ләр өчен дә­рес­ләр уен фор­ма­сын­да уза. Без спорт­зал­да, бас­сейн­да шө­гыль­лә­нә­без, кы­шын чаң­гы­да йө­ри­без, җәй кө­не ла­герь­га ба­ра­быз".

Ба­ла­ның йө­зә бе­лүе ях­шы, әл­бәт­тә. Тик иң әһә­ми­ят­ле­се - алар­ны йө­зү­гә га­шыйк итү. Ә йө­зү­нең сә­ла­мәт­лек өчен бул­ган әһә­ми­я­те бә­я­ләп бе­тер­ге­сез. Су­да мус­кул­лар­ның ки­е­рен­ке­ле­ге ки­ми, тик шул ук ва­кыт­та алар авыр­лык бе­лән дә эш­ли ала. Ә бу мәк­тәп­тә би­ре­лә тор­ган йөк­лә­мә­ләр­не исәп­кә ал­ган­да ае­ру­ча фай­да­лы. Ст­ресс, умырт­ка тө­зе­ле­шен­дә­ге ким­че­лек­ләр, аст­ма һәм рес­пи­ра­тор авы­ру­лар чы­нык­ты­ру аша ях­шы дә­ва­ла­на. Нерв сис­те­ма­сы, йө­рәк ны­гый, ара­ла­шу җи­ңе­ләя. Ба­ла ча­ма­дан тыш ак­тив бул­ган оч­рак­та да йө­зү бе­лән шө­гыль­лә­нү га­ять фай­да­лы.

На­и­лә БА­Я­ЗИ­ТО­ВА

Нравится
Поделиться:
Реклама
Комментарии (0)
Осталось символов: