Татарстанда ислам илләре командалары арасында хоккей турниры бара

Казанда 14 гыйнварда ислам илләре командалары арасында хоккей буенча беренче турнир башланды. Турнирда профессиональ булмаган хоккейчылар катнаша.

Татарстан башкаласына Берләшкән Гарәп Әмирлекләре, Согуд Гарәбстаны, Иран, Оман, Бәхрәйн, Казахстан, Төркмәнстан, Үзбәкстан, Кыргызстан, Алжир, Марокко һәм Ливан вәкилләре килде.

Барлыгы 12 ир-атлар һәм 5 хатын-кызлар командасы катнаша. Татарстан Республикасы данын «Ак Барс» һәм мөселманнарның Диния нәзарәте җыелма командасы яклый.

Уеннар «Татнефть-Арена» да уза. Турнир 17 гыйнварда тәмамланачак.