Алабуга нуры

“Урман бал кортлары” – чемпион!

Алабуганың хоккей командасы "Татнефть" ААҖ кубогы һәм алтын медаль белән бүләкләнде.

18 мартта Әлмәт шәһәрендә яшүсмерләр клублары арасында үткән хоккей буенча турнир тәмамланды. Ун ел элек үткәрелә башлаган әлеге турнир соңгы елларда республиканың иң популяр спорт чарасына әверелде. 2011-2012 ел сезонында биредә 56 ишегалды хоккей командасы катнашты. Сезон чемпионнарын билгеләүче матчта Алабуганың "Урман бал кортлары" һәм Бөгелмәнең "Нефтяник" командалары очрашты. Киеренке көрәштә безнең егетләр турнирның абсолют җиңүчеләре исемен яулады. Алабуганың "Урман бал кортлары" хоккей командасы һәм аның тренеры "Татнефть" кубогы һәм алтын медаль белән бүләкләнде.

Теги:
Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
Ночной режим