Алабуга янгын сүндерүчеләре куркынычсызлык кагыйдәләрен саклауның мөһим булуын искәртте

Еш кына янгыннар сәбәбе — челтәрдәге ялганыш һәм йөкләнешнең артык булуында. Районда килеп чыккан янгын очракларының 10 проценты электр челтәрләренең авария хәлендә эшләвеннән.

− Еш кына ул кыска ялганыш аркасында, сирәгрәк электр җиһазларын кулланганда янгын куркынычсызлыгы таләпләрен бозу һәм шулай ук электр челтәрен дөрес кормау нәтиҗәсендә килеп чыга, − ди Алабуга районы буенча күзәтчелек эшчәнлеге һәм профилактика эше бүлегенең өлкән инспекторы Евгений Нагорных.

Янгыннарны булдырмас өчен, куркынычсызлык кагыйдәләрен саклау мөһим:

• төзек булмаган электр җиһазын эшләтү тыела;
•  бозык яисә тышчасы саклау үзлеген югалткан үткәргеч һәм ут чыбыкларын куллану тыела;
•  җылыту, киптерү, ризык әзерләү өчен, кулдан ясалган, заводныкы булмаган электр җылыткычларын (электр мичләре, электр лампалары) кулланмагыз;
•  зарарланган электр эшләнмәләреннән файдаланмагыз
•  электр челтәренә тоташкан җылыткычларны, электр плитәләрен, телевизор һәм башка җиһазны күзәтүчесез калдырмагыз, норматив документлар нигезендә караучысыз калганда да эшләтергә рөхсәт ителгән приборлар (суыткыч, модем һәм башка шундыйлар) искәрмә булып тора;
•  электр яктырткычларын (лампаларны) кәгазь, тукыма һәм башка янучан материаллар белән капламагыз;
•  электр үткәргечләрен һәм ут чыбыкларын ябыштырырга һәм буярга ярамый;
•  радио һәм телефон үткәргечләрен электр челтәре сыйфатында кулланмагыз.

Шушы гади кагыйдәләрне үтәү тормышыгызны һәм милегегезне сакларга ярдәм итәр.