Алабуганың Җәмигъ мәчетендә малайлар өчен «Оста куллар» остаханәсе ачылды

Алабуганың Җәмигъ мәчетендә малайлар өчен «Оста куллар» остаханәсе ачылды. Остаханә җитәкчесе Камил Шәрәфетдинов кунакларны түгәрәккә йөрүче малайлар белән каршы алды. Ул агач, метал һ.б. материалларны эшкәртеп нинди әйберләр һәм кораллар ясаганнарын сөйләде.

Остаханә ачылуы — үсеп килүче буынга гаджетлардан аерылып, ир-ат эшенә өйрәнергә менә дигән мөмкинлек. Ул тормышта, hичшиксез, кирәк булачак һәм балаларга файда, бәлки керем дә китерәчәк.

Чара хәзер гамәлгә ашырыла торган проектлар һәм киләчәккә планнар белән уртаклашып тәмамланды.