Алабугада «Үлем белән кайда сату итүләрен хәбәр ит» акциясе бара

2024 елның 18-29 мартында Алабуга районы территориясендә наркотикларга каршы «Үлем белән кайда сату итүләрен хәбәр ит» гомумроссия акциясенең беренче этабы уза.

Акция җәмәгатьчелекне наркотикларның законсыз әйләнешенә каршы торуда һәм наркоманияне профилактикалауда катнашуга җәлеп итү, шулай ук наркотикларны сатучылар турында оператив мәгълүмат алу эшен активлаштыру максатыннан үткәрелә.

Әлеге акция кысаларында Россия Эчке эшләр министрлыгының Алабуга районы буенча бүлеге хезмәткәрләре Костенеево урта мәктәбе укучылары белән очрашты. Хокук сакчылары укучыларга тыелган матдәләрне куллану, тарату һәм җитештерү өчен законнарда каралган җаваплылык турында сөйләде. 

Хокук сакчылары наркотикларны саклау, сату урыннары һәм тыелган матдәләр таратучы затлар турында мәгълүматны полициягә җиткерү өчен телефон номерлары турында да искә төшерде. Полиция хезмәткәрләре яшүсмерләрне үз эшләренең үзенчәлекләре белән таныштырдылар, аларга эчке эшләр министрлыгы эшчәнлегенең төп юнәлешләре турында сөйләделәр һәм Россия Эчке эшләр министрлыгы системасының югары юридик уку йортларына керү тәртибе, уку процессының үзенчәлекләре һәм Россия Эчке эшләр министрлыгының уку йортларына керергә карар иткән кандидатларга карата куелган таләпләр турында сөйләделәр.