Эльмира Зарипова абортларны тыюга карата фикерен белдерде

«Без тыю мөмкин түгеллеген аңлыйбыз! Әгәр шәхси клиниканың лицензиясе бар икән, бу операцияне ясауның барлык этаплары да тиешенчә үтәлсә, ул була, ә сайлау һәрвакыт хатын-кыз ягында». Абортларны тыю темасын Татарстан хезмәт, халыкны эш белән тәэмин итү һәм социаль яклау министры Эльмира Зарипова шулай шәрехләде, дип яза «Татар-информ».

Спикер шулай ук кайвакытта мондый карар медицина күрсәткечләре буенча кабул ителә, дип өстәде, әмма хатын-кыз абортны үзе сайлаган очраклар да бар.

«Бу сайлау очрагы аңлы рәвештә булсын өчен безнең бурыч аларга ярдәм итү. Кызганычка, без бүген яшь вакытта уйланылмаган адым хатын-кызны, аннары ана булу теләгенә килгәч, моны тормышка ашыра алмавын күрәбез. Һәм без еш кына мондый хәлләр белән очрашабыз, әмма Сәламәтлек саклау министрлыгы бу тема өстендә эшли», — дип шәрехли Зарипова.

Ведомстволар шәхси клиникаларда хатын-кызга уйларга вакыт бирүне кертүне сорыйлар. Риза булган очракта клиника медицина, социаль-психологик яктан да процедураларның барлык этапларын үтәргә тиеш.

«Моның буенча сәламәтлек саклау системасы белән хәзер актив эшлибез. Һәм анда безнең учреждениеләр, социаль фонд вәкилләре кергән. Без бу карарга килүгә аз тәэмин ителү белән бәйле сәбәп бармы, дәүләт ничек ярдәм итә алуын карыйбыз», — дип аңлатты Зарипова.

Дәүләтнең максаты — хатын-кызга социаль ярдәм чаралары, йөклелек вакытында һәм бала туганнан соң ярдәм чаралары турында сөйләү, дип өстәде ул.

«Һәм, әлбәттә, без бүген дин вәкилләре белән эшлибез, икенче якны да җәлеп итәбез, чөнки баланың әнисе һәм әтисе бар, һәм карар әтисез кабул ителә алмый. Без бит хатын-кызның карар кабул итүе һәм хәтта аның баланың әтисе белән фикер алышмавы турында беләбез», — дип ачыклык кертте министр.

Спикер шулай ук билгеләп үткәнчә, мондый темаларга кагылганда игътибарны җаваплы ана булуга гына түгел, җаваплы аталыкка да юнәлтү мөһим.