Тромблар барлыкка килүгә сәбәпче булган 3 ризыкны атадылар

Табиблар өч продуктны атаган, аларны артык күп кулланмаска кирәк — югыйсә тромбалар барлыкка килергә мөмкин, дип яза «Ватаным Татарстан» сайты.

Исемлектә беренче булып маргарин тора. Аның составында организм өчен зарарлы трансжирлар күп һәм ул майлылыгы бик югары булган ризык. Бу йөрәк-кан тамырлары системасына тискәре йогынты ясый.

Икенче ризык — бәрәңге. Анда күп санда крахмал бар, бу йөрәк-кан тамырлары системасын нык «какшата» һәм гомумән организмга зыян сала.

Табиблар саклык белән ашарга киңәш иткән тагын бер ризык — банан. Анда витаминнар башка җиләк-җимешләргә караганда азрак. Банан кан куеруга китерә. Бу үз чиратында артерияләрнең һәм веналарның тромбозына китерә.

Фото: freepik. com