Узган атнада Алабуганың ашыгыч ярдәм бригадалары 441 тапкыр юлга чыккан

Узган атнада, 16-22 октябрьдә, Алабуга үзәк район хастаханәсенең ашыгыч ярдәм бригадасы кешеләрнең тормышын саклап калу өчен, 441 тапкыр юлга чыккан, шул исәптән, 73 тапкыр алар балалар янына ашыккан.

2 юл-транспорт вакыйгасында 2 кеше зыян күргән.

Миокард инфаркты белән кабул итү бүлекләренә 6 кеше китерелгән, 8 кешене инсульт белән хастаханәгә салганнар.

16 пациент көнкүрештә һәм урамда төрле җәрәхәтләр алган.

58 кеше, шул исәптән 29 бала, респиратор авырулардан зарланган.

Янгыннарда 2 кеше зыян күргән. 

Ашыгыч ярдәм бригадаларын 34 тапкыр бер сәбәпсез чакырганнар.