Алабуга җылыту чорына әзерләнә

Быел Алабуганың аскы өлешендәге кайбер иҗтимагый биналарга һәм күп фатирлы йортларга җылы һәм кайнар суны Тугаров урамында урнашкан яңа пар казаныннан җибәрәчәкләр. Аны сентябрьдә эшләтә башларга ниятлиләр.

Иске пар казаны җиһазлары тузганга, былтыргы җылыту чоры бу объектлар өчен катлаулы булды. Биредә 53 ел буе капиталь ремонт ясалмаган, казаннар, насослар — кайбер өлешләре генә алыштырылган шуңа да яңа пар казаны төзү кичекмәстән кирәк иде. Тарловкада яшәүчеләр дә шуны көтте.

Бүген проект буенча эшләр төгәлләнгән, проект-смета документлары дәүләт тикшерүенә җибәрелгән. Төзелеш урыны ачыкланган, ул 2024 елга планлаштырылган.

Алабуга кулланучыларын җылы һәм кайнар су белән тәмин итү өчен, барлыгы 15 пар казаннары урыны эшли. Район территориясенә биш оешма җылы бирә. (Алабуга Җылылык челтәрләре АҖ, «Алабуга» сәнәгый төрдәге предприятие МИЗы АҖ, ООО «Альгазтранс — Елабуга» ҖЧҖ, «Алабуга Сөте» ААҖ, «ГазТеплоАвтоматика» ҖЧҖ). Җылыту сезонына хәзерлек барышында, барлык оешмалар да җылылык челтәрләрендә сынау үткәргән. Килеп чыккан өзеклек урыннары төзекләндерелгән, ике өзеклек урынының эш төгәлләү вакыты — сентябрьнең 1енә кадәр. Челтәрләрне алыштыру буенча даими эшнең нәтиҗәсе бар, авария очраклары кимегән.

"Алабуга Җылылык челтәрләре«ндә капремонт кысаларын 3,5 километр челтәр алыштырылачак, моңа 52,7 миллион сум акча тотылачак. Кайбер объектларда эш тәмамланган инде.

Район башлагы карары буенча, «Алабуга Җылылык челтәрләре» һава буйлап үтә торган торба үткәргечләрне җир астына күчерүне дәвам итә. 2023 елда шундый эш ике урында планлаштырылган: Яшьләр урамындагы 12нче йортка кадәр өлеш (үтәлгән), 3нче мәктәп территориясендәге өлеш август аенда төгәлләнәчәк. Шундый ук эш Нечаев урамында киләсе елда башкарылачак, моның өчен биш йортны башка челтәргә тоташтырачаклар.

Җылыту сезонына хәзерлек барышында шулай ук күп фатирлы йортларның керү юллары төзекләндерелде, подъездларда пыяла куелды, түбәләр ремонтланды, йортларда панель араларындагы җөйләр ныгытылды.

Кышка барысы 154 социаль объект әзерлисе, бүгенгә бу эш 67,5 процентка үтәлгән. Сәламәтлек саклау, мәгариф, «Барс» Яшьләр үзәге объектларында бу эш җәһәт башкарыла. Күп фатирлы йортларда эш үтәлеше — 80 процент.