Алабугада быел 21 күпфатирлы йортка капиталь ремонт ясалачак

Быел шәһәрдәге 21 күпфатирлы йортны тулысынча төзекләндерәчәкләр. Шәһәр хуҗалыгы буенча киңәшмәдә ТКХ һәм төзелеш департаменты директоры Андрей Томилин әйтүенчә, баштарак 18 йорт планлаштырылган булган, ләкин, былтыр күпмедер акча янга калу аркасында, тагын 2 йортны исемлеккә керткәннәр, аларның икесендә фасад җылытылачак, берсенең түбәсенә ремонт ясалачак.

Әйтергә кирәк, 2022 елдагы капиталь ремонт программасында 23 күп фатирлы йорт тулысынча төзекләндерелде.