Алабугада быел 50 миллион сумлык юл ремонтланачак

2023 елда Алабуга районында 3 575 метр юлларны ремонтлау планлаштырыла. Бу максатларга 50 млн сум акча бүлеп биреләчәк. Шәһәрдә 40 млн сумга 2660 метр юл ремонтланачак, авылларда — 10 млн сумга 915 метр. 

Шулай ук, узган елдагы кебек үк, «Асфальт-бетон өслекле юл-урам челтәрен ремонтлау» республика программасы буенча өстәмә финанслау планлаштырыла, шуңа бәйле рәвештә, ремонтланырга тиешле объектлар исемлеге артачак.

Узган ел шәһәрдә һәм районда 7 858 метр озынлыктагы автомобиль юлларына ремонт ясалды.