Алабугада һәм районда җәй көне 5 мәктәпнең ашханәсен төзекләндерәчәкләр

Алабугада җәй көне 5 мәктәп ашханәсендә капиталь ремонт ясалачак. Шулай итеп ашханәләр 11нче мәктәптә, 4нче гимназиядә, Морт, Олы Шүрнәк һәм Иске Юраш мәктәпләрендә яңартылачак. Бу хакта район башлыгының матбугат хезмәте хәбәр итә. 

Бу максатларга 23 млн.сум бүлеп биреләчәк. Идәннәрне, стеналарны һәм түшәмнәрне ремонтлау планлаштырылган. Яктырту яңартылачак, кухня зоналары өчен яңа җиһазлар урнаштырылачак.

Бүгенге көндә Алабуганың мөмкинлекләре чикле балалар өчен интернат-мәктәбендә йокы һәм уку корпусларын ремонтлау буенча 1,8 млн сумлык эш алып барыла.