Алабугада яңартудан соң «Городищенский» чишмәсе ачылды

Билгеле булганча, бу чишмәне нефтьчеләр 1995 елның маенда төзекләндергән булган. Бүген бу Алабуга халкының һәм шәһәр кунакларының яраткан урыны. 

Быел чишмә тагын да уңайлырак һәм матуррак булсын өчен, аны яңарту турында карар кабул ителә. Чишмә юлына асфальт салына, баскычлар яңартыла, төшү һәм күтәрелү урыннары җиһазландырыла, утыргычлар һәм кечкенә беседка куела. 

Хәзер халык чиста һәм тәмле су алырга килгәч, утырып ял итә дә алачак.