Алабугада Шишкин буаларын үзгәртеп кору дәвам итә

Узган атнадан башлап, Мәңгелек ут яныннан Шишкин буаларына төшә торган баскычларны төзекләндерү буенча зур эш бара, аннары эшчеләр брусчатка сала башлаячак. 

− Паркта башкарыласы эшләр бик күп төрле. Брусчатка һәм терраса такталары салачакбыз, пирслар ясап, яшелләндерәчәкбез. Спас ярминкәсенә кадәр бөтен эшне төгәлләрбез, чара алабугалылар һәм шәһәр кунаклары өчен уңайлы үтәрлек булсын, − диде «РГ-Строй групп» ҖЧҖ компаниясе директоры Риназ Гыйльметдинов.

Фото: АМР матбугат хезмәте