Алабугада үзәк район хастаханәсенең йогышлы авырулар бүлегендә капиталь ремонт ахырына якынлаша

Якын арада шәһәр һәм районның социаль әһәмиятле объектлары тапшырылачак. Бу хакта Алабуга районы башлыгы Рөстәм Нуриев үзенең телеграм-каналында хәбәр итте. 

Үзәк район хастаханәсенең инфекция бүлеген капиталь ремонтлау 90 процентка башкарылган. Психоневрологик интернат бинасын капиталь ремонтлау тәмамланды. Шулай ук Үзәк китапханә янәшәсендәге территорияне төзекләндерү буенча эшләр башкарыла, анда да капиталь ремонт үткәрелгән. «Татнефть» ААҖ гранты ярдәме белән «Изге чишмә» — «Святой ключ» территориясе реконструкцияләнде.