Быел Алабугада 35 видеокүзәтү камерасы урнаштырылачак

«Имин шәһәр» проекты кысаларында бүгенге көнгә шәһәрдә 185 видеокүзәтү камерасы эшли. Алар гражданнарның күпләп җыелу урыннарында, автомобиль юлларында, паркларда һ. б. контрольне тәэмин итә.

2022 елда җәмәгать киңлекләре, парклар һәм скверлар, транспорт инфраструктурасы объектларында 53 видеокамера файдалануга тапшырылган.

2023 елга «Имин шәһәр» видеокүзәтү системасын алга таба үстерү планлаштырыла. Тагын 35 видеокамера урнаштырылачак. 

Видеокүзәтү камераларының гомуми санын шәһәрдә 220 данәгә җиткерү планлаштырыла.