Район башлыгы шәһәр пляжы төзелешенең барышы белән танышты

Рөстәм Нуриев шәһәрнең пляжы булачак урындагы төзелешне карап кайтты. 

Райбашкарма комитеты каршындагы Төзелеш департаменты директоры Равил Шәрипов сөйләвенчә, хәзер дамба өяләр. 

− Бүгенгә грунт кайтарып, аны тыгызлыйлар. Ул 27 мең куб метр кирәк булачак, тагын 5 мең куб таш һәм 1000-1200 куб ком. Дамбаны 5,6 метр биеклектә ясыйсы, өске асфальтланган өлешенең киңлеге 10 метр, кырлары 34 метр булачак, − ди ул.

Грунтны тыгызлаганнан соң, ком түшәп, кырыйларын бут ташы белән ныгытачаклар, киләсе елның яз-җәй айларында ком юдыртылачак.

Эшләнгән проект буенча, ял урыны Шишкин урамы буйлап пристаньнән ерак түгел генә, Алабуга шәһәрлегенең тау итәгендә урнаша.